Mutane 2 sun samu raunuka sakamakon makamin roka da aka harba Isra'ila daga yankin Zirin Gaza da ke karkashin mamayar Yahudawa.
An harba makamin a lokacin da Isra'ila da Hadaddiyar Daular Larabawa suke sanya hannu kan yarjejeniyar gyara dangantarsu a Amurka.
Sanarwar da aka fitar daga rundunar sojin Isra'ila ta ce, an harba makaman roka 2 daga Zirin Gaza zuwa kasarsu, kuma an yi amfani da garkuwar makamai masu linzami wajen lalata daya daga cikin makaman.
Kafafan yada labarai na Isra'ila sun ce, daya makamin ya fada garin Ashdod tare da jikkata mutane 2.
A yammacin Talatar nan ne a Fadar White House, kasashen Bahrayn da Hadaddiyar Daular Larabawa suka sanya hannu da Isra'ila kan yarjejeniyar gyara alakarsu.
News Source: ()
