An gano gawar Shugaban Birnin Seoul na Koriya ta Kudu

An gano gawar Shugaban Babban Birnin Koriya ta Kudu Seoul Park Won-soon, bayan da iyalansa suka ba wa 'yan sanda sanarwar ya bata.

Kamfanin dillancin labarai na Yonhap ya rawaito rundunar 'yan sanda na cewa an gano gangar jikin Park a arewacin birnin na Seoul.

Sanarwar ba ta bayar da wani cikakken bayani ba game da musabbabin mutuwar Park.

Tun shekarar 2011 Park yake shugaban Birnin Seoul.