Amurka ta sabonta dokar hana balaguro zuwa Kanada da Mexico

Amurka ta  tsawaita dokar hana  tafiye-tafiye in ba na dole ba zuwa kasashen  Kanada da Mexico har zuwa 21 ga Satumba.

A cikin sanarwar da ma'aikatar tsaron cikin gida ta Amurka ta yi, an bayyana kamarin nau'in Korona na Delta a matsayin dalilin saka dokar hana balaguro zuwa da Kanada da Mexico.

Amurka, wacce ta takaita tafiye-tafiye a kan iyakar Kanada da Mexico tun farkon barkewar cutar Kovid-19, tana ci gaba da sabunta dokar kowane wata.