Amurka ta aika da tauraron dan adam mai leken aisiri zuwa duniyar sama

Amurka ta harba tauraron dan adam mai leken asiri samfurin "NROL-44" zuwa duniyar sama.

Labaran da aka fitar a shafin yanar gizo na "Space.com" na cewa, tauraron da zai yi aiyukansa a sirrance, an dauke shi da kumbon Delta-4 tare da harba shi ta tashar Cape Canaveral da ke jihar Florida.

Kamfanin United Launch Allience da hadin gwiwar Boeing da Lockheed Martin ne ya samar da tauraron.

Ba a bayyana wanne aiki tauraron dan adam din zai yi ba.

Sakamakon matsalolin da aka fuskanta a ranakun 26 ga Agusta da 26 ga Satumba ya sanya aka dage harba tauraron zuwa sama.