Mutane 7 sun rasa rayukansu sakamakon ambaliyar ruwan da ta afku a gundumomin Parsian da Deshtistan da ke jihohin Hurmuzgan da Bushehir din kudancin Iran.
Kamfanin dillancin labarai na Tesnim da ke Iran ya bayyana cewar, an samu ambaliyar ruwa bana mamakon ruwan sama da aka samu a jihohin Huzistan, Ispahan, Bushehir, Fars, Yezd da Hurmuzgan.
Ma'aikatan ceto na ci gaba da gudanar da aiyuka a yankunan da ambaliyar ruwan ta afku, kuma ya zuwa yanzu mutane 5 sun mutu a gundumar Parsian ta jihar Hurmuzgan da mutane 2 a gundumar Deshtistan da ke jihar Bushehir.
A jihohin kudancin Iran ana samun mamakon ruwan sama a 'yan kwanakin nan wanda hakan ke janyo ambaliyar ruwa.
Ambaliyar ruwan ta afku a yankuna da dama da suka hada da manyan garuruwan Huzistan na Ahvaz da Bushehir.
