Ambaliyar ruwa ta yi ajalin mutane 45 a Afganistan

Mutane 45 ne suka rasa rayukansu a jihar Pervan ta Afganistan sakamakon ambaliyar ruwan da mamakon ruwan sama ya janyo.

Kakakin Fadar Gwamnan Pervan Wahide Shahkar ya shaida cewar sakamakon ruwan saman da aka fara tun safiyar Talatar nan, an samu afkuwar ambaliya.

Ya bayyana cewar ya zuwa yanzu mutane 45 ne suka rasa rayukansu sakamakon ambaliyar ruwan.

Shahkar ya kuma ce ana ci gaba da neman wasu mutanen da suka makale a cikin ruwan.