Ambaliyar ruwa ta yi ajalin mutane 29 a Indiya

Adadin wadanda suka musu a jihar Kerala ta Indiya sakamakon ambaliyar ruwan da ta afku bayan samun mamakon ruwan sama ya kai mutane 29.

Labaran da jaridun kasar suka fitar na cewa a yankin Idukki da ke kasar an samu mamakon ruwan sama a ranar Juma'a wanda ya janyo ambaliya da zaftarewar kasa.

Jami'an 'yan sanda sun ce ya zuwa yanzu an ciro jikkunan mutane 29 daga karkashin kasa, kuma ana fargabar adadin wadanda suka mutu zai karu.