Gidaje kimanin dubu 6,672 ne suka kasance a karkashin ruwa sakamakon ambaliyar da ta afku a yankin Bekasi na jihar Java ta Yamma da ke Indonesiya.
Tun yammacin Lahadin da ta gabata ake tafka ruwan sama inda gundumomi 12 suka cika makil da ruwa.
A yankin da zurfin ruwan da ya taru ya kai mita 1,5, gidaje kimanin dubu 5,672 ne suka kasance a karkashin ruwa.
Ba a bayyana ko an samu asarar rayuka ko dukiya ba.
Ana kuma ci gaba da kokarin kai kayan taimako a wadanda ibtila'in ya rutsa da su.
A gefe guda, ruwa ya balle a yankunan Gabas da Kudancin Jakarta Babban Birnin Indonesiya sakamakon mamakon ruwan saman da aka yi, an kwashe mutanen da lamarin ya shafa zuwa wasu yankunan.
News Source: ()
