Rahotanni daga Indonesiya na cewar gidaje kusan dubu daya da dari biyar sun malale da ruwa sakamakon ambaliyar ruwan da ta afku a jihar Kalimantan ta Yamma.
Sanarwar da Hukumar Yaki da Annoba ta Kasa (BNPB) ta fitar ta ce, a ranar Lahadin an samu ruwan sama ba kakkautawa a yankin Melawi na jihar wanda hakan ya janyo afkuwar mummunar ambaliyar ruwa.
Mahukunta sun ce gidaje 1,469 ne suka kasance malale da ruwa, kuma mutane dubu 5,369 sun shiga mawuyacin hali inda ya zuwa yanzu mutum 1 ne kawai ya rasa ransa.
An bayyana kwashe akalla iyalai 70 daga gidajensu, kuma an fara aiyukan tsaftace yankunan da lamarin ya shafa.
News Source: ()
