Ambaliyar ruwa a Bangaladash

Mutane miliyan 1 ne suka tagayyara sakamakon ambaliyar ruwan da ta afku a yankunan Bangaladash daban-daban.

Sanarwar da aka fitar daga Ofishin Tarayyar Kungiyoyin Bayar da Agaji na Red Cross da Red Crescent ta ce "Ana sa ran dubunnan mutane za su nemi mafaka tare da barin matsugunansu daga farkon makon nan."

Jaridar Dhaka Tribune ta ce ambaliyar ruwan ta tsugunar da mutane sama da dubu 500 a Jamalpur, Kurigram da Gaibandha.

An bayyana cewar idan aka ci gaba da samun ruwan sama a yankunan to yanayin da dan adam ke ciki zai munana matuka.