Wadanda suka rasa rayukansu sakamakon ambaliyar ruwa ya haura 65 a Nijer

An sanar da cewa yawan wadanda suka rasa rayukansu sakamakon ambaliyar ruwa a kasar Nijer sun haura mutum 65.

Kafafen yada labaran cikin gidan kasar sun sanar da cewa hukumar bayar da agajin gaggawa a kasar ta bayyana cewa mutum dubu 329 da dari 958 a yankunan garuruwan Maradi, Tahoua, Tillaberi, Dosso da babban birnin ķasar  Niamey sun tabu sakamakon ambaliyar ruwan.

A kwanakin baya dai an bayyana cewa mutun 45 suka rasa rayukansu wanda a halin yanzu sun haura 65.

Haka kuma ambaliyar ruwa sanadiyar ruwan sama kamar da bakin kwarya ta yi sanadiyar lalacewar gidaje fiye da dubu 34 da kuma mamaye gonakin da yawansu ya kai hekta dubu 5 da dari 768.