Tirela ta take mutane 20 a Najeriya

Mutane 20 ne suka rasa rayukansu sakamakon hatsarin motar da ya afku a yankin kudu maso-yammacin Najeriya.

Labaran da jaridun kasar suka fitar na cewa, wata motar tirela ce ta kutsa kai cikin wata kasuwa a yankin Akungba Akoko da ke jihar Ondo inda ta take mutane da dama.

Rahotanni sun ce, mutane 20 sun rasa rayukansu yayinda wasu dama suka samu munanan raunuka. An kai wadanda suka jikkata zuwa asibitocin yankin.

Ana fargabar adadin wadanda za su mutu zai karu.