Mutane 12 ne suka mutu sakamakon wutar da ta kama a lokacin da wata motar tanka dauke da mai ta fadi a jihar Benue da ke Arewa ta Tsakiyar Najeriya.
Babban Jami'in Hukumar Kiyaye Hadurra ta Kasa a jihar Benue Yakubu Muhammad ya shaida cewa, an samu fashewa da kamawar wuta sakamakon faduwar da tankar mai ta yi a kan hanyar Oshigbudu-Obagaji.
Muhammad ya ce, bayanan farko da aka samu sun bayyana mutuwar mutane 12 da suka hada da mata 3 da yaro 1, haka zalika wasu da dama sun jikkata.
Jami'in ya bayyana cewa, wasu daga cikin wadanda suka jikkata na cikin mawuyacin hali, ana fargabar adadin wadanda za su mutu zai karu.
Muhammad ya kuma ce, an samu barna a gidajen da ke kusa da inda tankar man ta fadin.
News Source: ()
