A ranar Talata dakarun Rapid Support Forces sun sanar da mutuwar daya daga cikin fitattun jagororinsu a Khartoum, Rahmatullah al-Mahdi.
Rundunar sojin Sudan ta ce a yanzu tana iko da mafi yawan arewacin babban birnin kasar. Ta kaddamar da kashi na uku na aikin soja da aka sanar a ranar 26 ga Satumba, 2024.
Tun daga wannan lokacin ta sake kwato Al Jazeera, Sennar, Omdurman da sauran wurare masu mahimmanci. Mutuwar daya daga cikin jagororinsu,Rahmatollah al-Mahdi, wanda rundunar ta FSR ta sanar da rasuwarsa, shugaban soji ne da ba kamarsa; wanda aka fi sani da "Jalha", an kashe Rahmatollah al-Mahdi bayan wani hari ta sama da aka kai kan ayarin motocin FSR a gabashin babban birnin kasar.
Dakarun kasar Sudan © Florence Miettaux / AP Rahmatollah al-Mahdi ya yi yaki a Kordofan, Sennar, Al Jazeera da Khartoum. Rahotanni daga yan uwansa na bayyana cewa dan uwansa da ya raka shi ya rasu tare da shi.
Ana yi masa kirari na jarumi ko "The Brave of Kordofan",wanda a shekara ta 2019, ya shiga Libya, a yakin Marshal Haftar na kwace Tripoli.
Da ya koma Sudan bayan 'yan watanni, ya jagoranci kungiyar mai suna "The Brave of Kordofan" da aka kafa a shekara ta 2020.Yawancin membobin wannan kungiya yan kabilar al-Masiriya ne.
Harin wani jirgi marar matuki a kan wani asibiti a Sudan © Mohamed Nureldin Abdallah/Reuters Ya shiga FSR tare da kungiyarsa masu dauke da makamai a watan Satumbar 2023, kusan watanni shida da fara yakin. Mutuwar tasa ta zo ne a daidai lokacin da sojojin suka bayyana aniyarsu ta kawo sauyi ga baki daya a wannan kungiya da kuma kawo karshen ta.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da muKu saurari dukannin labaran duniya ta hanyar sauke man hajar RFI
