Sojojin Libiya sun kwace iko da wasu yankunan garin Sirte

Dakarun sojin Libiya sun kwace iko da yankunan Jarif da Al-Kibayba da ke kudancin garin Sirte daga hannun mayaka mabiya dan tawaye Haftar Khalifa.

Sanarwar da aka fitar daga shafin Facebook din Jami'an da ke tsaron yankunan Jarif da Kibayba ta ce an kori 'yan ta'addar daga yankunan.

Sanarwar ba ta bayar da wani dogon bincike ba.

An bayyana cewar an kubutar da yankunan karkashin Farmakan "Hanyar Nasara" da aka fara a ranar Asabar.

A ranar Lahadin nan dakarun Libiya suka kara yawan jami'ansu a Sirte, a kokarin da suke yi na kubutar da yankin daga hannun 'yan ta'adda.

A gefe guda Ministan Harkokin Cikin Gida na Libiya Fathi Basaga ya fitar da sanarwa ta shafinsa na Twitter cewar za a kubutar da dukkanin Libiya daga hannun mayakan Haftar.