Mutane 45 sun mutu a wajen taron jana’izar tsohon shugaban Tanzaniya

An bayyana cewa mutane 45 ne suka mutu a turmutsutsun da ya afku a wajen taron jana'izar tsohon shugaban kasar Tanzaniya, John Magufuli.

A cewar labaran da jaridar Mwananchi ta rawaito, ‘yan sandan Tanzaniya sun sanar da cewa adadin wadanda suka mutu a turmutsutsun da ya afku a birnin Dar es Salaam sun kai 45.

Shugaban ‘yan sanda na Dar es Salaam, Lazaro Mambosasa ya bayyana cewar dubunnan mutanen da suka je filin wasa na Uhuru don ganin gawar tsohon shugaban kasar sun yi kokarin shiga filin ta hanyar karya doka da kuma haifar da cunkoso.