Kusan 'yan Najeriya dubu 100 sun gudu Nijar don neman mafaka

'Yan Najeriya kusan dubu 100 ne suka yi gudun hijira daga yankunansu zuwa kasar Nijar don neman mafaka sakamakon hare-haren 'yan ta'addar Boko Haram a arewa maso-gabashin kasar.

Labaran da jaridun Najeriya suka fitar sun rawaito wani jami'in gwamnati da ya nemi a boye sunansa na cewa, 'yan ta'addar Boko Haram sun kai hare-hare a ranakun 13 da 14 ga Afrilu a yankin Damask na jihar Borno.

Jami'in ya ce, sakamakon hare-haren, a cikin kwanaki 2 kusan mutane dubu 100 ne suka gudu zuwa Jamhuriyar Nijar.

Haka zalika ya kara da cewa, an kona gine-ginen da suka hada da na gwamnati da shaguna da dama a yayin kai hare-haren.

A Harin da 'yan ta'addar suka kai a ranar Laraba a Damask sun kashe mutane 10.