Jirgin saman fasinja a Sudan ta Kudu ya fado

Mutane da yawa sun rasa rayukansu a Sudan ta Kudu sakamakon fadowar wani jirgin sama na fasinja jim kadan da tashinsa.

Wasu kafofin yada labarai sun rawaito cewa an samu asarar rayuka 12.

Daraktan Filin tashi da saukar jiragen saman Juba, Kur Kuol ya sanar da cewa wani jirgin fasinja ya fadi a gundumar Peiri na jihar Jonglei.

Da yake bayyana cewa jirgin ya tashi da misalin karfe 5 na yamma agogon kasar kuma ya fadi ne bayan wani kankanin lokaci, Kuol ya ce har yanzu ba a gano musabbabin lamarin ba.

Kafofin yada labaran yankin sun rawaito cewa fasinjoji 10 da matukan jirgin 2 sun mutu a lamarin.