Jirgin ruwa ya kife a Najeriya tare da kashe mutane da dama

Mutane 11 ne suka rasa rayukansu sakamakon kifewar jirgin ruwan fasinjoji a jihar Niger da ke Najeriya.

Dakaraktan Hukumar Bayar da Agajin Gaggawa na jihar Alhaji Ibrahim Ahmad Inga ya shaida cewar jirgin ruwan na kwale-kwale ya kife a kogin Shiroro sakamakon kaya da mutane daya dauka da suka wuce ka'ida.

Inga ya ce mutane 11 ne suka mutu yayinda aka samu nasarar kubutar da wasu mutanen 3.

Ana ci gaba da aiyukan kubutar da mutanen da jirgin ya kife da su.