An bayyana kifewar wani jirgin ruwa dauke da mutane sama da 160 da ya tashi daga jihar Niger zuwa jihar Kebbi da ke arewacin Najeriya.
Labaran da jaridun kasar suka fitar sun rawaito jami'in yankin Ngaski na jihar Kebbi Abdullah Buhari Wara na cewa, jirgin ya taso daga Niger zuwa Kebbi dauke da mutane da kayayyaki, kuma sakamakon daukar kaya fiye da kima ne ya sanya ya kife.
Wara ya ce, jirgin ruwan ya rabe gida 2 dauke da mutane sama da 160 inda a aiyukan ceto da aka yi aka samu nasarar kubutar da mutane 22, wasu sama da 140 kuma sun bata.
A ranar 7 ga Mayu ma wani jirgin ruwa ya kife a tsakanin jihohin Niger da Kebbi inda mutane 30 suka mutu.
News Source: ()
