Rundunar Sojin Libiya ta bayyana cewar wasu jiragen sama na Rasha na daukar kaya 2 sun sauka a garin Sirte na gabashin libiya wanda ke hannun mayakan dan tawaye Haftar Khalifa.
Kakakin Ofishin Farmakan Sirte-Jufra Janaral Abdulhadi Dirah ya shaida cewar jiragen sun sauka a filin tashi da saukar jiragen sama na Gardabiyya da ke garin Sirte.
Dirah ya ce jiragen na daukar kaya ne, kuma ba su san wadanne kaya yake dauke da su ba amma suna zargin kayan yaki ne.
A ranar 4 ga watan Afrilun 2019 dan tawaye Haftar Khalifa ya fara kokarin kwace Tarabulus Babban birnin Libiya ta hanyar taimakon da yake samu daga Masar, Hadaddiyar Daular Larabawa, Faransa da Rasha.
News Source: ()
