Jimillar mutane 86 ambaliyar ruwa ta yi ajali a Sudan

Ya zuwa yanzu mutane 86 ne suka rasa rayukansu sakamakon ambaliyar ruwan da mamakon ruwan saman da aka fara tun farkon watan Agusta ya janyo a Sudan.

Sanarwar da Ma'aikatar Harkokin Cikin Gida ta Sudan ta fitar ta ce tun ranar 1 ga Agusta aka fara ruwan sama mai karfi a kasar, kuma sakamakon ambaliyar da ya janyo gidaje dubu 50 da 102 sun samu matsala, sama da shanu dubu 5 sun mutu.

Hukumar Kula da Yanayi ta Sudan ta sanar da cewa a ranar Alhamis din nan ma za a samu mamakon ruwan saman, a saboda ta ke gargadin jama'a da su dauki matakan da suka kamata.