Guguwar Eloise ta yi ajalin mutane 6 a Mozambik

A kalla mutane 6 ne suka rasa rayukansu sakamakon guguwar Eloise da ta kunna kai kasar Mozambik.

Labaran da jaridun kasar suka fitar sun bayyana cewa, guguwar da ta kunna kai kasar a karshen mako ta fi yin barna a jihar Sofala da ke tsakiyar Mozambik, inda mutane 176 suka tagayyara.

Gidaje sama da dubu 5 ne suka lalace sakamakon guguwar da ta zo da tsanananin iska, mamakon ruwan sama da ambaliya.

Daga cikin wuraren da suka lalace har da cibiyoyin kula da lafiya 26 da makarantu 161.