Gobara ta kama sansanin 'yan gudun hijira a Najeriya

Mutane 3 sun rasa rayukansu sakamakon gobarar da ta kama a wani sansani da mutanen da suka rasa matsugunansu su ke zaune a ciki a jihar Borno da ke Najeriya.

Jami'in Hukumar Bayar da Agajin Gaggawa ta jihar Borno (SEMA) Yabawa Kolo ya shaida cewa, mutane da dama sun jikkata, wasu sama da dubu 3,600 sun rasa matsuguni sakamakon gobarar da ta kama sansanin da suke ciki da ke garin Maiduguri.

Kolo ya ce, an aike da kayan taimakon jin kai zuwa ga wadanda ibtila'in ya rutsa da su.

A jihar ta Borno, a shekarar da ta gabta mutane dubu 7,200 ne suka rasa matsuguni sakamakon gobarar da ta kama sansaninsu.