Firaministan Ivory Coast ya rasu

Firaministan Ivory Coast Hamed Bakayoko da ke fama da cutar kansa ya rasu.

Shugaban Kasar Alassane Ouattara ya fitar da sanarwa ta shafinsa na Twitter inda ya ce, Firaminista Hamed Bakayoko ya rasu a wani asibiti da ake kula da lafiyarsa a Jamus.

A ranar 18 ga Fabrairu Bakayoko ya tafi Paris a jirgin sama na musamman don a duba lafiyarsa, a ranar 6 ga Maris kuma ya koma Jamus daga Faransa saboda maganin cutar kansa.