Dakarun Najeriya sun yi ruwan bama-bamai a kan 'yan ta'addar Boko Haram

Rundunar sojin Najeriya ta yi ruwan bama-bamai a kan 'yan ta'addar Boko Haram a yankin arewa maso-gabashin kasar inda ta kashe da dama daga cikinsu.

Kakakin Ma'aikatar Tsaron Najeriya John Enenche ya shaida cewar an kai wa 'yan ta'addar hari a yankin Ngwuri Gana na jihar Borno.

Ya ce an kashe mambobin Boko Haram da dama inda aka kuma lalata mafaka da maboyar makamansu.