Cutar kwalara ta yi ajalin mutane 479 a Najeriya

Mutane 479 ne suka rasa rayukansu sakamakon kamuwa da cutar kwalara a Najeriya.

Cibiyar Kula da Cututtuka ta Najeriya ta bayyana cewa, daga watan Janairu zuwa yanzu cutar kwalara ta bulla a jihohin Benue, Delta, Zamfara, Gombe da Abuja Babban Birnin Kasar.

Daga watan na Janairu zuwa ranar 11 ga Yulin 2021 mutane dubu 19 da 305 aka samu dauke da kwalara inda 479 daga ciki suma mutu.

Sakamakon rashin tsaftataccen ruwan sha da magani a kan lokaci ya sanya kwalara ke kashe mutane a Najeriya.