A ranar Alhamis da ta gabata ne masunta na cikin gida da kungiyoyi suka zargi Chadi da kashe "dama" daga cikin masunta a Najeriya da nufin kai wa mayakan Boko Haram hari a yankin tafkin Chadi.
Dakarun Chadi © AFP Wani babban jami'in kasar Chadi wanda ya bukaci a sakaya sunansa ya tabbatarwa kamfanin dilancin labaren AFP cewa, harin da aka kai a tsibirin da ke kan iyakokin Najeriya da Nijar,ya kasance wani wuri da “yan Boko Haram ke cudanya da masunta da manoma a duk lokacin da suka aikata laifukansu saboda haka yana da wuya a bambanta jama’a da ‘yan ta’adda,a cewar wannan jami'i.
Rahotanni sun tabb atar da cewa wani jirgin saman sojan kasar Chadi ya kai hari kan masunta a tsibirin Tilma, inda ya kashe masunta da dama," in ji Babakura Kolo, shugaban kungiyar masu yaki da 'yan Boko Haram a Najeriya ranar Alhamis.
Babakura ''ya ci gaba da cewa "Jirgin ya danganta masunta da 'yan ta'addar Boko Haram da suka kai hari a sansanin soji a Chadi ranar Lahadi."
Wasu daga cikin dakarun Chadi a yankin tafkin Chadi © AP Wani mai kamun kifi Sallau Arzika ya shaidawa kamfanin dilancin labaren AFP cewa "Jirgin na yaki ya yi wa Tilma kawanya kafin ya fara jefa bama-bamai yayin da mutane ke gudu ta ko'ina domin neman mafaka."
A cikin dare daga ranar Lahadi zuwa litinin mayakan Boko Haram sun kai wani samame a wani sansanin soji dake yankin tafkin Chadi. Adadin wadanda suka mutu ya kai 40 daga cikin dakarun Chadi.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da muKu saurari dukannin labaran duniya ta hanyar sauke man hajar RFI
