An bayyana cewa, 'yan bindiga sun yi garkuwa da dalibai mata 317 a wata makarantar sakandire ta kwana da ke jihar Zamfara a arewacin Najeriya.
Kwamishinan 'yan sandan jihar Zamfara Abutu Yaro ya shaida cewa, 'yan bindigar da ba a san ko su waye ba sun kai farmaki a makarantar sakandire ta 'yan mata da ke Jengebe a karamar hukumar Talata Mafara da ke jihar tare da yin awon gaba da dalibai 317.
Yaro ya ce, bayan gudanar da bincike an gano an yi garkuwa da dalibai mata 317.
Kwamishinan 'yan sandan jihar ta Zamfara ya kuma bayyana cewa, su aika da jami'an tsaro zuwa yankin, kuma an faraaiyukan ceto su.
A gefe guda, jaridun Najeriya sun ce, an yi garkuwa da dalibai 550, kuma 50 daga ciki sun samu nasarar guduwa.
A ranar 17 ga fabrairu ma 'yan bindiga sun yi garkuwa da dalibai 27 da malamai 3 da wasu fararen hula 15 a yankin Kagara na jihar Niger da ke Najeriya.
