An yi garkuwa da dalibai sama da 100 a Najeriya

A jihar Niger da ke arewacin Najeriya 'yan bindiga sun yi garkuwa da daliban makarantar Islamiyya sama da 100 inda suka kashe wani dalibi 1.

Kakakin 'yan sandan jihar Niger Wasiu A. Abiodun ya shaida cewa, 'yan bindiga da dama a kan babura ne suka je makarantar ıslamiyya ta Salihu Tanko da ke yankin Tegina tare da bude wuta.

Abiodun ya kuma ce, mutum 1 ya mutu sakamakon harin, an kuma yi garkuwa da gwamman dalibai inda tuni aka aike da jami'an tsaro zuwa yankin.

Abiodun ya ce, za a kubutar da daliban ba tare da sun samu wata matsala ba, ya kuma bukaci jama'a da su nutsu.

Labaran da jaridun Najeriya suka fitar sun bayyana an yi garkuwa da dalibai sama da 100 a harin.