A jihar Kaduna da ke arewacin Najeriya, an kai wasu farmakai tare da rusa sansanin 'yan bindiga.
Kakakin Ma'aikatar Tsaro ta Najeriya John Enenche ya shaida cewar sun kai farmaki ta sama kan sansanin 'yan bindiga da ke dajin Kunduru na jihar Kaduna.
Enenche ya fadi cewar an lalata sansanin 'yan bincigar tare da kashe da yawa daga cikin su.
Kakakin ya kara da cewar a yayin farmakin, an kwace bindigu, ababan hawa da kayan fada da yawa daga hannun 'yan bindiga.
A gefe guda, Rundunar Sojin Saman Najeriya (NAF) ta bayyana cewar a ci gaba da kai farmakai da ake yi, an kai karin dakaru 32 zuwa jihar ta Kaduna.
News Source: ()
