An kubutar da mutane 32 daga hannun 'yan ta'addar Boko Haram

An kubutar da mata da yara kanana da 'yan ta'addar Boko Haram suka yi garkuwa da su a arewa maso-gabashin Najeriya.

Kakakin Ma'aikatar Tsaro Bernard Onyeuko ya shaida cewa, sojojin sun kai farmaki kan 'yan ta'addar Boko Haram a yankunan Bama da Damboa da ke jihar Borno.

Onyeuko ya shaida cewa, an kubutar da mata 10 da yara kanana 22 a yayin kai farmakan.

Jami'in sojin ya kara da cewa, an kama 'yan ta'adda 28, an lalata mafakarsu tare da kwace babura da bindigu.

Ba a bayyana yaushe ne aka yi garkuwa da mutanen ba.