An kubutar da mutane 26 da 'yan bindiga suka yi garkuwa da su a jihohin Kaduna da Zamfara da ke arewa maso-yammacin Najeriya.
Kakakin 'yan sandan jihar Kaduna Mohammed Jalige ya shaida cewa, an kai farmakai kan 'yan bindiga da ke yankin Birnin Gwari na jihar.
Jalige ya shaida cewa, an kubutar da mutane 15 da 'yan bindigar suka yi garkuwa da su a dajin, an kuma jikkata 'yan bindigar da dama wadanda suka tsere da raunukan da suka samu.
Sanarwar da kakakin 'yan sandan jihar Zamfara ya fitar kuma cewa ta yi, a farmakan da aka kaiwa 'yan bindiga a yankin Maru na jihar an kubutar da mutane 11, an kuma mika mutanen da gwamnatin Zamfara.
News Source: ()
