An kubutar da bakin haure 47 a tekun Tunisiya

An kubutar da bakin haure su 47 a gabar tekun kasar Tunisiya da ke arewacin Afirka.

Kungiyar Bayar da Agaji ta Red Crescent da ke Tunisiya ta sanar da cewa, ta kubutar da bakin haure 47 da jirgin ruwan da suke ciki ya lalace a gabar tekun jihar Mednin ta kudancin kasar.

Daraktan Red Crescent a jihar Mednin din Tunisiya Munji Salim ya shaida cewa, sun kubutar da bakin hauren da jirgin ruwansu ya lalace a tekun Bahar Rum, kuma bakin hauren sun fito daga kasashen Bangaladash, Masar, Pakistan, Morokko da Gini.

Salim ya kara da cewa, za a killace mutanen a wata cibiya a garin Mednin, daga baya kuma a tura su zuwa cibiyar kula da bakin haure ta kasar.