An kashe mutane 15 sakamakon harin 'yan bindiga a arewacin Najeriya

Mutane 15 ne suka rasa rayukansu sakamakon harin da 'yan bindiga suka kai a jihar Kaduna da ke arewacin Najeriya.

Kakakin 'yan sandan jihar Kaduna Muhammad Jalige ya shaida cewar wasu da ba a san ko su waye ba ne suka hari a kauyen Gonar Rogo da ke jihar.

Jalige ya kara da cewar an kashe mutane 15 tare da jikkata wasu 5 sakamakon harin.

Ya fadi cewar maharan sun kona gidaje da kayan abinci da dama a kauyen, kuma mazauna kauyen da dama sun tsere saboda firgita da suka yi.

Jalige ya ce an aike da jami'an tsaro zuwa kauyen kuma tuni aka fara gudanar da bincike.