An kashe 'yan Boko Haram 75 a Najeriya

A wasu farmakai da aka kai wa 'yan ta'addar Boko Haram a arewa maso-gabashin Najeriya an kashe tsageru 75.

Kakakin ma'aikatar Tsaro ta Najeriya John Eneche ya bayyana cewar dakarunsu sun kai wa 'yan ta'addar Boko Haram farmakai a yankunan Banki da Firgi na jihar Borno.

Eneche ya ce a farmakan an kashe mataimakan Shugaban Boko Hamar Abubakar Shekau su 3 tare da karin wasu mambobin kungiyar 72.

Eneche ya kara da cewar wasu daga cikin 'yan ta'addar sun gudu, kuma an kwace makamai da kayan fada da dama daga hannunsu.