An kashe 'yan ta'addar Boko Haram 73 a wasu farmakai da aka kai musu a Najeriya.
Daraktan Yada Labarai na Rundunar Sojin Najeriya Janaral Benard Onyeuko ya shaida cewa, a tsakanin 18 da 30 ga watan Yuni an kaiwa 'yan ta'addar Boko Haram farmakai a yankunan jihar Borno.
Ya bayyana cewa, sakamakon farmakan an kashe 'yan ta'addar Boko Haram 73 inda aka kuma kwace bindigu, motocin yaki da makamai daga hannunsu.
Onyeuko ya kara da cewa, a yayin kai farmakan an kubutar da mutane 55 da suka hada da yara kanana 27 da 'yan ta'addar suka yi garkuwa da su.
News Source: ()
