An kashe 'yan ta'addar Boko Haram 57 a Najeriya

A arewa maso-gabashin Najeriya, an kashe 'yan ta'addar Boko Haram 57 a wasu farmakai da sojojin kasar suka kai musu.

Wani jami'in soja da ya nemi a boye sunansa ya shaidawa manema labarai cewa, dakarunsu sun kai wa 'yan ta'addar Boko Haram farmakai a yankunan Damboa da Gwoza na jihar Borno.

Jami'in ya ce, an kashe 'yan ta'addar Boko Haram 57 a farmakan, wasun su da yawa kuma sun guda dauke da raunuka a jikkunansu.