An kashe 'yan sanda 11 harin ta'addanci a Burkina Faso

'Yan sanda 11 ne suka rasa rayukansu, wasu 4 kuma suka bata sakamakon harin ta'addanci da aka kaiwa jami'an tsaro a Burkina Faso.

Kakakin Gwamnatin Burkina Faso Ousseni Tamboura ya fitar da rubutacciyar sanarwa cewa, an kai harin a yammacin Talatar nan a yankin Bilbalogo a lokacin da motar jami'an tsaro ta ke sintiri wasu da ba a san ko su waye ba suka bude mata wuta.

'Yan sanda 11 ne suka rasa rayukansu, wasu 4 kuma suka bata sakamakon harin.

Babu wanda ya dauki alhakin kai harin.