An kashe 'yan bindiga 24 a jihar Kadunan Najeriya

An kashe 'yan bindiga 24 a farmakan da jami'an tsaro suka kai musu a jihar Kaduna da ke arewacin Najeriya.

Kwamishinan Harkokin Tsaron Cikin Gida na jihar Kaduna Samuel Aruwan ya shaida cewa, sojoji sun kai farmaki dajin birnin gwari inda 'yan bindiga su ke buya.

Aruwan ya ce, an kashe 'yan bindiga 24 a farmakşn, wasu da dama kuma sun gudu da raunukan da suka samu.

Kwamishina Aruwan ya kara da cewa, an lalata mafakar 'yan bindiga a farmakan tare da kwace makamansu da dama.