Ambaliyar ruwa ta yi ajalin mutane 77 a Najeriya

Jimillar mutane 77 ne suka rasa rayukansu sakamakon ambaliyar ruwan da mamakon ruwan sama ya janyo a Najeriya.

Kakakin Hukumar Bayar da Agajin Gaggawa na jihar Katsina Umar Muhammad ya shaida cewar mutane 8 sun mutu yayinda wasu 17 suka jikkata sakamakon ambaliyar ruwan da ta afku a jihar.

Ya zuwa yanzu mutane 77 ne suka mutu a jihar ta Katsina sakamakon ambaliyar ruwan.

Ya ce gidaje dubu 25 sun rushe ko lalacewa, kuma kasar noma mai girman hekta dubu 7 da 19 ta lalace.

Muhammed ya yi kira ga gwamnati da ta taimakawa wadanda ambaliyar ruwan ta illata.