Ambaliyar ruwa ta yi ajalin mutane 6 a Najeriya

Mutane 6 sun rasa rayukansu sakamakon ambaliyar ruwan da ta afku a jihar Kano da ke arewacin Najeriya.

Sakatare Janar na Hukumar Bayar da Agajin Gaggawa ta jihar Kano Alhaji Ali Bashir ya shaida cewar sakamakon ambaliyar da mamakon ruwan sama na tsawon kwanaki 2 da ya janyo a jihar, mutane 6 sun rasa rayukansu.

Bashir ya ce an samu asara da dama a yankunan, kuma ana ci gaba da gudanar da aiyukan ceto.