Ambaliyar ruwa ta yi ajalin mutane 35 a Najeriya

Mutane 35 sun rasa rayukansu sakamakon ambaliyar da mamakon ruwan sama ya janyo a Najeriya.

Sanarwar da aka fitar daga wata Kungiyar Kare Fararen Hula ta ce, tun daga watan Yuni zuwa yau gidaje dubu 2,500 ne suka kasance a karkashin ruwa sakamakon ambaliyar da ta afku.

Sanarwar ta kuma bayyana cewa, mutane dubu 26,532 ambaliyar ruwan ta shafa, 20 daga ciki sun mutu sakamakon danne su da gine-gine suka yi, yayin da wasu 15 kuma suka dilmiye a ruwa.

A kowacce shekara ana samun mamakon ruwan sama a tsakanin watannin Yuni da Satumba a Najeriya.

A shekarar da ta gabata mutane 73 ne suka mutu sakamakon ambaliyar ruwan da aka samu a irin wannan lokaci.